Om vi gir han masse underskrifter, tek nok Giske Markus på skuldrene! Det høyrer med i ministerjobben.
No er det berre veker igjen!
9. februar møter vi Trond Giske for å levere han krava våre. Vi skal be han snu norsk handelspolitikk på hodet.
Vi skal vise han at vi ikkje gir oss før han byrjer å ta Soria Moria 2 på alvor og “arbeider for at utviklingsland skal få større handlingsrom i utformingen av nasjonale utviklingsstrategier”.
Vi skal vise at vi har ein masse folk i ryggen!
Trond, ass. Treng ein eigentleg politiske rådgivarar når ein kan ha smilefjes?
Vi spurtar, og for at Trond skal bli skikkeleg imponert er det viktig at vi får inn underskriftene som er samla inn land og strand. Send det i posten til Changemaker, eller kom innom her i Oslo for å levere. Vi må ha underskriftene seinast onsdag 8. februar, så det er lurt å planlegge dei siste aksjonane i god tid før det.
Den fyrste aksjonen i innspurten her i Oslo er på onsdag klokka 16. på Grønlands torg.
Kom, kom!
Har du huska å spørje klovnen i klassen om han/ho vil skrive under for ein rettferdig handelspolitikk?
